የኦሮሚያና አማራ ክልል የህዝብ ለህዝብ መድረክ ተሳታፊዎች አምቦ ከተማ ገቡ

አዲስ አበባ፣ ሚያዚያ 12፣ 2011 (ኤፍ.ቢ.ሲ) የኦሮሚያና አማራ ክልል የህዝብ ለህዝብ መድረክ ተሳታፊዎች አምቦ ከተማ ገብተዋል። ነገ ለሚካሄደው የህዝብ ለህዝብ መድረክ የሁለቱ ክልል እና የፌደራል ከፍተኛ አመራሮች እንዲሁም ከሁለቱ ክልል የተወከሉ ተሳታፊዎች ወደ ከተማዋ ገብተዋል።

በዛሬው እለትም በፍቼ በኩል ለገቡት ከአባይ ወንዝ ጀምሮ፣ በደብረ ብርሃን በኩል ለገቡት ደግሞ በየከተሞቹ አቀባበል ተደርጎላቸዋል። መድረኩ የህዝብ ለህዝብ ትስስርን በማጠናከር ባልተገባ ትርክት ህዝብን ለማጋጨት የተወጠኑ ሴራዎችን በማክሸፍና ወንድምና እህት ህዝቦች በጋራ በመቆም ሀገራዊ ለውጡን ለማስቀጠል የሚያስችል መሆኑ ተነግሯል።

የምዕራብ ሸዋ ዞንና የአምቦ ከተማም እንግዶቻቸውን በመቀበል ለነገው መድረክ ቅድመ ዝግጅታቸውን ማጠናቃቸው ተገልጿል።

1 COMMENT

  1. በርቱ አሹ ምቀኛችሁ አይኑ ጨለማ እግሩ ቄጠማ ይሁን:: ኦሮማራ ለጠላት መራራ
    ለኢትዮጵያ በአንድነት የማይደፈር ተራራ ነው!::
    ኦሮማራው እምዬ ምኒልክ አባዳኘው ዘመናዊቷን ኢትዮጵያ ገንብቶ አልፏል::ህውሀት የበተናትንና የዘረፋትን ኢትዮጵያ ደግሞ ኦሮማራው ዐቢይ አሕመድ ይሰበስባል!!

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.