ለ7 ሚሊየን ህዝብ አገልግሎት መስጠት የሚያስችል ሆስፒታል ነገ ይመረቃል

ግዮን ሆስፒታል
ግዮን ሆስፒታል

አዲስ አበባ፣ ጥቅምት 30፣ 2011 (ኤፍ.ቢ.ሲ) ለ 7 ሚሊየን ህዝብ አገልግሎት መስጠት የሚያስችል ሆስፒታል በባሕር ዳር ከተማ ነገ ይመረቃል፡፡

‹‹ጥበበ ግዮን ስፔሻላይዝድ ሆስፒታል›› ተብሎ የተሰየመው ይህ ሆስፒታል 207 ሚሊየን ብር ወጪ ተደርጎበታል ተብሏል፡፡

በአማራ ክልል ጤና ጥበቃ ቢሮ  ግንባታው የተጀመረው ይህ ሆስፒታል፥ ከጥቅምት 2005 ዓ.ም ጀምሮ ወደ ባሕር ዳር ዩኒቨርሲቲ መተላለፉን የዩኒቨርሲቲው ፕሬዚዳንት ዶክተር ፍሬው ተገኘ ገልጸዋል፡፡

በሙሉ አቅሙ ሥራ ሲጀምር በየቀኑ እስከ 2 ሺህ ህሙማንን የማስተናገድ አቅም ያለው ሲሆን፥ ከ5 መቶ በላይ አልጋዎች እና 11 የቀዶ ህክምና መስጫ ክፍሎች እንዳሉትም ታውቋል፡፡

የቀዶ ህክምና መሥጫ ክፍሎችን ወደ 15 ለማሳደግም ታቅዶ እየተሰራ መሆኑ ተገልጿል፡፡

ስፔሻላይዝድ ሆስፒታል ማሟላት ያለበትን መስፈርት ያሟሉ ክፍሎች እንዳሉትም መረጃዎች ይጠቁማሉ።

ለሆስፒታሉ 51 ስፔሻሊስት ዶክተሮች እንደሚመደቡለትም ተነግሯል፡፡

አሁን ላይም 5 ሺህ የህክምና ተማሪዎችን የመቀበል አቅም ያለው የመማሪያ ግቢ እየተጠናቀቀ መሆኑ ታውቋል፡፡

ለሆስፒታሉ በጀት እንዳልተመደበለት የተናገሩት የባህርዳር ዩኒቨርሲቲ ፕሬዚዳንት ዶክተር ፍሬው፥ ጉዳዩ በከፍተኛ የመንግሥት የሥራ ኃላፊዎች ትኩረት እንዲሰጠው ጥሪ አቅርበዋል፡፡

ምንጭ፦ የአማራ መገናኛ ብዙሃን ድርጅት

Loading...

1 COMMENT

  1. በጣም የሚያስደስትና ዉጤታማ ኢንቨስትመንት ነው። ይህን አይነት ትልቅ አቅም ያለውን ሆስፒታል ከማቀድ ጀምሮ እስከ ግንባታና በጀት ምድባ ጭምር የተሳተፋ አካላት በሙሉ ሊመሰገኑ ይገባል። ነገር ግን ይህን ትልቅ ሆስፒታል በዘላቂነት አገልግሎት መስጠት እንዲችል ጥብቅ እንክብካቤና ክትትል ማድረግ ያስፈልገዋል።በተለይም ፅዳቱንና የውሀ አቅርቦቱን መከታተል ወሳኝ ጉዳይ ነው ብዬ እመክራለሁ።

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.