ሁለት ኢትዮጵያውያን በሳውዲ አረቢያ አንገታቸው ተቀልቶ ተገደሉ

Saudi Arabia executed more than 150 prisoners last year

ባራሂ መንገሻና ተወልደ ገብረስላሴ በሪያድ ከተማ ፓኪስታናዊውን የታክሲ ሹፌሩ ራቅ ወዳለ ስፍራ በመወሰድና በጩቤ በማስፈራራት አንገቱን በገመድ አንቀው ከገደሉት በኋላ ከመኪናው ወንበር ጋር አስረውት መሄዳቸውን ነው የሳውዲአረቢያ የሀገር ውስጥ ሚኒስቴር ያስታወቀው።

ኢትዮጵያውያኑ የታክሲ ሹፌሩን ከገደሉት በኋላ ገንዘቡን ዘርፈው እኩል መከፋፈላቸውን የሀገሪቱን ባላስልጣናትን ጠቅሶ ሪያድ ዴይሊ ዘግቧል።

ሁለቱ ኢትዮጵያውያን ወንጀሉን መፈጸማቸውን በማመናቸውና በማስረጃ በመረጋገጡ አንገታቸው ተቀልቶ በሞት እንዲቀጡ መደረጉን ዘገባው አመልክቷል።

ሪያድ ዴይሊ እንደዘገበው በራሂ መንገሻና ተወልደ ገብረስላሴ ላይ የሞት ቅጣቱ የተፈጸመባቸው በሳውዲአረቢያ የሸሪያ ህግ መሰረት ነው።

የሸሪያ ህጉ ማንኛውም ሰው የህዝብን ደህንነት አደጋ ላይ ሲጥልና በስርቆት ምክንያት ሰው ቢገድል አንገቱ ተቀልቶ በሞት እንደሚቀጣ ይደነግጋል።

ስለ ሁለቱ ኢትዮጵያውያን የሞት ቅጣት በተመለከተ የኢትዮጵያ መንግስት ያለው ነገር የለም።

ኢሳት ዜና  ሐምሌ 17/2009)

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.